23 красавіка 2015 года на базе ДУА “Чэхаўшчынская дапаможная школа-інтэрнат” Валожынскага раёна адбыўся абласны семінар-практыкум “Фарміраванне сацыяльна-значымых кампетэнцый у вучняў дапаможнай школы-інтэрната”.
Арганізатар семінара ДУА “Мінскі абласны цэнтр карэкцыйна-развіваючага навучання і рэабілітацыі”.
У семінары прынялі ўдзел намеснікі дырэктараў па вучэбнай рабоце, настаўнікі-дэфектолагі дапаможных школ-інтэрнатаў Мінскай вобасці.
Праграма семінара-практыкума ўключала прэзентацыю ўстановы, асноўных накірункаў работы па фарміраванню сацыяльна-значымых кампетэнцый у навучэнцаў дапаможнай школы, наведванне адкрытых урокаў і заняткаў.
У ходзе семінара-практыкума яго ўдзельнікі пазнаёміліся з сістэмай работы па фарміраванню сацыяльна-значымых кампетэнцый у навучэнцаў дапаможнай школы, зместам вопыту работы па фарміраванню навыкаў дзелавых зносін у вучняў з інтэлектуальнай недастатковасцю на ўроках беларускай мовы (настаўнік-дэфектолаг Марзак В.У.).
Удзельнікі семінара-практыкума наведалі адкрытыя ўрокі і заняткі:
-урок сацыяльна-бытавой арыенціроўкі ў 3-4 класе па тэме “Правілы паводзін на загараднай дарозе”;
- выхаваўчае мерапрыемства ў другім аддзяленні “Ці ведаеш ты свой адрас?”
.
Асобую цікавасць выклікаў факультатыўны эксперыментальна-пазнавальны занятак “Гэта дзіўнае малако”, дзе вучні 8 класа пад кіраўніцтвам настаўніка сацыяльна-бытавой арыенціроўкі Гарбачэўскай Таццяны Валер’еўны даследвалі малочныя прадукты, вызначалі тлустасць малака, пазнаёміліся з хуткім спосабам атрымання якаснага тварагу, навучыліся рыхтаваць малочны кактэйль .
У ходзе пасяджэння круглага стала ўвазе ўдзельнікаў быў прадстаўлены вопыт работы ўстановы ў рамках сацыяльнага праекта самастойнага пражывання выхаванцаў «Кватэра» .
Удзельнікі семінара атрымалі магчымасць выканаць практычныя і тэставыя заданні па тэме «Дзелавыя дакументы», распрацаваныя педагогамі школы-інтэрната. Дадзеныя матэрыялы ўдзельнікі семінара-практыкума змогуць выкарыстаць на месцах.
Актуальнасць і значымасць прадстаўленай на семінары-практыкуме інфармацыі высока ацэнена яго ўдзельнікамі. Атрыманы практыка-арыентаваны вопыт дазволіць спецыялістам дапаможных школ павысіць якасць і эфектыўнасць адукацыйнага працэсу.
|