Акцыя “Не пакідайце дзяцей адных!” у Валожынскім раёне

У канікулярны перыяд значна ўзрастае рызыка ўзнікнення пажараў па прычыне дзіцячага свавольства з агнём, а таксама гібелі дзяцей на вадаёмах. У рамках другога этапу акцыі “Не пакідайце дзяцей адных!” і з мэтай папярэджання надзвычайных сітуацый з удзелам дзяцей, работнікі Валожынскага раённага аддзела па надзвычайных сітуацыях наведалі ўстановы адукацыі. Ратавальнікі нагадалі дзецям простыя правілы бяспекі, якія неабходна выконваць, каб не патрапіць у непрыемную сітуацыю. Для навочнага прадстаўлення аб дзеяннях у надзвычайнай сітуацыі на вадзе,  прадэманстравалі відэафільм «Бяспека на вадзе».

Самай запамінальнай і відовішчнай падзеяй была дэманстрацыя пажарнай тэхнікі. Навучэнцы з вялікай цікавасцю слухалі апавяданні пра магчымасці сучаснага абсталявання, а некаторыя нават змаглі апрабаваць яго ў дзеянні. У дзяцей была магчымасць прымерыць баявую вопратку і тым самым адчуць сябе сапраўднымі ратавальнікамі. А водны феерверк дабавіў настрою не толькі дзецям, але і дарослым.

Хочацца спадзявацца, што такія зносіны з навучэнцамі нашых устаноў адукацыі не пройдуць бясследна і надзвычайных сітуацый з удзелам дзяцей атрымаецца пазбегнуць.